കോല്ക്കത്ത: ലിവ് ഇന് ബന്ധങ്ങളിലുള്ളവര് കുടുംബമെന്ന ഉത്തരവാദിത്വം ഏറ്റെടുക്കാന് താത്പര്യമില്ലാത്തവരാണെന്ന് ആര്എസ്എസ് സര്സംഘ് ചാലക് മോഹന് ഭാഗവത്.
വിവാഹം കഴിക്കാന് താത്പര്യമില്ലെങ്കില് സന്യാസികളാകുന്നതാണു നല്ലതെന്നും കോൽക്കത്തയിൽ ആർഎസ്എസ് ചടങ്ങിൽ പ്രസംഗിക്കവേ അദ്ദേഹം പറഞ്ഞു.
കുടുംബം, വിവാഹം എന്നതു ശാരീരികസംതൃപ്തിക്കുവേണ്ടി മാത്രമല്ല. സമൂഹത്തില് ഒരു വ്യക്തി എങ്ങനെ ജീവിക്കണമെന്നു പഠിക്കാനുള്ള ഒരു സംവിധാനമാണ്. നമ്മുടെ രാജ്യത്തെയും സമൂഹത്തെയും മതപാരമ്പര്യങ്ങളെയും സംരക്ഷിക്കേണ്ടതുണ്ട്. ദമ്പതികള്ക്ക് കുറഞ്ഞത് മൂന്ന് കുട്ടികള് വേണമെന്നും മോഹന് ഭാഗവത് ആവര്ത്തിച്ചു.
19 മുതല് 25 വരെയുള്ള പ്രായത്തില് വിവാഹം നടക്കുകയും മൂന്ന് കുട്ടികള് ഉണ്ടാകുകയും ചെയ്യുകയാണെങ്കില് കുട്ടികളുടെയും മാതാപിതാക്കളുടെയും ആരോഗ്യം നന്നായിരിക്കുമെന്നും മോഹന് ഭാഗവത് പറഞ്ഞു.
ബംഗ്ലാദേശിലെ ഹിന്ദുക്കള്ക്ക് ലോകമെങ്ങുമുള്ള ഹിന്ദുക്കള് സഹായം നല്കണമെന്നും മോഹന് ഭാഗവത് കൂട്ടിച്ചേര്ത്തു.
E-paper LOGIN
LOGIN
